Join Sai Baba Announcement List


DOWNLOAD SAMARPAN - Nov 2018





Author Topic: shree SAI raksha mantra  (Read 17075 times)

0 Members and 1 Guest are viewing this topic.

Offline parulsai

  • Member
  • Posts: 297
  • Blessings 3
shree SAI raksha mantra
« on: June 03, 2008, 05:57:28 AM »
  • Publish
  • Satguru SAI nath maharaja ki jai
    Kashton ki kaali chaaya dukhdaayi hai
    Jeewan mein ghor udaasi laayi hai.
    Sankat ko taalo sai duhaayi hai
    Aapke siva na koi aur sahai hai.
    Mere man aapki murat samai hai
    Har pal har kshan aapki mahima gaayi hai
    Ghar mere kashton ki aandhi aayi hai
    Aapne kyu meri sudh bhulaayi hai
    Aap bholenath ho daya nidhaan ho
    Aap hanuman ho aur balwaan ho
    Aap ram ho aur  shaam ho
    Saare jagat mein ap sabse mahaan ho
    Aap ma kaali aap ma shaarde
    Karti hu prarthana sai bhav se taar do
    Aap mohhemmed ho gareeb nawaaz ho
    Nanak ki vaani mein eesa ke saath ho
    Aap digambar ho aap kabir ho
    Ho budh aap hi aap mahavir ho
    Saare jagat ka app adhaar ho
    Nirakaar ho aur sakaar ho
    Karti hu vandana prem vishwaas se
    Suno sai mere allah ke vaaste
    Adhron pe mere nahi muskaan hai
    Ghar mera banne laga shamshaan hai
    Reham nazar karo ujade viraan pe
    Zindagi  sanwaregi ek vardaan se
    paapon ki dhoop se yeh tan laga haarne
    aapki yeh das aapko lagi pukaarne
    aapne sada hi laaj bachayee hai
    der na ho jaaye man shankaayi hai
    dheere dheere dheeraj hi khota hai
    man mein basa vishwas ho rota hai
    meri kalpana sakaar kar do
    suni zindagi mein rang bhar do.
    Dhote dhote paapon ka bhar zindagi se
    Ab main gayi hoon sai haar zindagi se
    Nath avgun ab to bisaaro
    Kashton ki leher se aa ke ubaaro.
    Karti hu paap main papon ki khan hu
    gyaani aap gyaaneshwar main agyaan hu
    karti hu pag pag par paapon ki bhool main
    taar do jeewan yeh charno ki dhool se
    aapne ujda hua ghar bassaya
    paani se Deepak bhi aapne jalaya
    aapne hi shirdi ko dham banaya
    chote se gaon mein swarg sajaya
    kasht paap shraap utariye
    prem daya drishti se nihariye
    aapki daas hu aise na taliye
    girne lagi hu sai sambhaliye
    saiji baalak main anaath hu
    aapke bharose rehti din raat hu
    jaisi bhi hu hu to aapki
    kijiye nivaran mere santaap ka
    aap ho sawera aur main raat hu
    mel nahi koi phir bhi saath hu
    sai mujhse mukh na modo
    beech majhdhar akela na chodo
    aapke charnon mein base mere praan hain
    aapke vachan mere guru samaan hain
    aapki rahon pe chalti das hai
    khushi nahi koi jeewan udaas hai
    aansoon ki dhaara mein doobta kinaara
    zindagi mein dard nahi guzaara
    lagaya chaman to phool khilao
    phool khilen hain to khushboo bhi laao
    kar do ishaara to baat ban jaaye
    jo kismet mein nahi wo mil jaaye
    beeta zammana yeh ga ke fasana
    sarhade zindagi maut taraana
    der to ho gayi hai andher na ho
    phikr mile lekin fareb na ho
    de ke taalo ya daaman bacha lo
    hilne lagi hai rehnumai sambhalo
    aapke dum pe allah ki shaan hai
    sufi santon ke yeh hi bayaan hain.
    Garibon ki jholi mein bhar do khazaana
    Zamaane ke vali karo na bahaana
    Dar ke bhikaari hain mohtaaj hain hum
    Shehenshahe aalam karo kuch karam
    Aapke khazaane mein aaalh ke rehmat
    Aap sadguru sai ho samrath
    aaye ho dharti pe dene sahara
    karne lage kyu hamse kinaara
    jab tak yeh brahmand rahega
    sai aapka naam rahega
    chand sitare aapko pukaarenge
    janmo janam hum raasta nihaarenge
    aatma badlegi chole hazaar
    hum milte rahenge baaram baar
    aapke kadmo mein baithe rahenge
    dukhde dil ke kehte rahenge
    aapki marzi hai do ya na do
    hum to kahenge ki daman hi bhar do
    aap ho data hum hain bhikari
    sunte nahi kyu arz hmari
    achcha chalo ek baat bata do
    kya nahi aapke paas bata do
    jo nahi dena hai to inkaar kar do
    khatam yeh aaps ki takraar kar do
    laut ke khaali chali jaungi
    phir bhi gun aapke hi gaaungi
    jab tak kaaya hai tab tak maya hai
    ise mein hi dukhon ka mool samaya hai
    rog samool nasht ho jayenge
    kasht nivaaran mantra jo dhyaange
    yeh mantra bhakton kaamal karega
     aai jo anhoni to taal dega
    bhoot paret bhi rahenge door
    is mantra mein sai shakti bharpoor
    japte rahe jo mantra agar
    jado tona bhi ho beasar
    is mantra mein sab gun samaaye
    na ho bharosa to khud aazmayen
    yeh mantra sai vachan hi jaano
    swayam amal kar satya pehchaano
    sanshay na lana vishwas jagana
    yeh mantra sukhon ka hai khzana
    is pustak mein sai ka vaas
    jai sai shri sai jai jai sai.


    Nama smaran

    Jai om jai om jai jai om om shri sai jai shree sai mere hi sai.









    Offline MANAV_NEHA

    • Member
    • Posts: 11306
    • Blessings 32
    • अलहा मालिक
      • SAI BABA
    Re: shree SAI raksha mantra
    « Reply #1 on: June 07, 2008, 04:11:21 AM »
  • Publish
  • VERY NISE POST PARUL JI

    THANKS FOR SHARING

    JAI SAI RAM
    गुरूर्ब्रह्मा,गुरूर्विष्णुः,गुरूर्देवो महेश्वरः
    गुरूर्साक्षात् परब्रह्म् तस्मै श्री गुरवे नमः॥
    अखण्डमण्डलाकांरं व्याप्तं येन चराचरम्
    तत्विदं दर्शितं येन,तस्मै श्री गुरवे नमः॥


    सबका मालिक एक

    Offline venci

    • Member
    • Posts: 3
    • Blessings 0
    • Shirdi Sai Baba
    Re: shree SAI raksha mantra
    « Reply #2 on: August 04, 2014, 02:47:10 AM »
  • Publish
  • hi,

       A VERY GOOD MANTRA,it gave me strength and courage in my difficult times.
       
        below this mantra SAI BABA Q&A TAB and few more options were there which are not visible now.Iwould be grateful if some help is provided for viewing.
       
    thanks

    Offline VPSS

    • Member
    • Posts: 100
    • Blessings 0
    • Shirdi Sai Baba
    Re: shree SAI raksha mantra
    « Reply #3 on: September 08, 2014, 06:18:18 AM »
  • Publish
  • hi Sai devotees,  can you pl share this mantra in tamil/engligh?

     


    Facebook Comments