Meri Taraf Aa Ker To Dekh
Mutawjah Na Hoon To Kehna
Meri Rah Main Chal Ke To Dekh
Raahein Na Khool Doo To Kehna
Mujh Sey Sawal Ker Ke to Dekh
Bakhshish Ki Had Na Ker Doon To Kehna
Meray Liye Beyqader Ho Ke To Dekh
Qader Ki Had Na Ker Doon To Kehna
Meray Liye Lut Ke To Dekh
Rehmat Ke Khazaney Na Luta Doon To Kehna
Meray Liye Bik Ke To Dekh
Anmol Na Ker Doo To Kehna
Mujhey Rab Maan Ke To Dekh
Sab Sey Beyniyaaz Na Kerdoo To Kehna
Meray Khuaf Sey Ansoo To Baha Ke To Dekh
Maghfirat Ke Darya Na Bahadoo To Kehna
Wafa Ki Laaj Nibha Ke To Dekh
Ata Ki Had Na Kerdoon To Kehna
Meray Naam Ki Tazem Ker Ke To Dekh
Hakim-e-Takreem Ki Inteha Na ker Do To Kehna
Apni Hasti Ko Fana Ker Ke To Dekh
Jam-e-Baqa Sey Serfaraze Na Kerdoo To Kehna
Mujhey Haieyolkaieyoom Man Ke To Dekh
Abdi Hayat Ka Ameen Na Banadoon To Kehna
Mera Ho Ke To Dekh
Her Kisi Ko Tera Na Bana Doon To Kehna