shreya ji,
aapko jinti baar thanks kahu kam lagta hai.
shreya ji, aapki baato me bahut gehraai bhi hai aur bahut sa motivation bhi, jiki iss time mujhe bahut sakht jarurat hai.
shreya ji, maine apni ye pareshani baba ke charno me bahut time pehle hi rakh di hai.aur agar baba par bharosa na hota to aaj na jaane mai kya kuch kar chuka hota. jo insaan iss time meri pareshani ka karan ban raha hai, mai chahta to usski pareshani ka karan ban chuka hota. magar uska faisla baba hi karenge, kyiki sahi ya galat ka faisla karne wale hum kaun hote hai. maine aaj tak baba se uss insaan ko saja dene ki pray nahi ki.baba jaisa sahi samjhenge karenge.
lekin mai self respect se jeena chahta hun aur baba ki raham najar ke bina ye possible nahi hai. baba meri life ke liye galat nahi sochenge, magar jo ho raha hai, agar woh hi mera future hai to baba usse hi poori tarha se kar de. aur agar woh mera future nahi hai to baba abhi iss event ko poori tarha se khatam kar de. bas iske alava mai baba se kuch bhi nahi keh raha hun.
magar baba ki taraf se jo der ho rahi hai, woh sahan shakti se bahar hoti jaa rahi hai.mai ek ek din ke sath apni respect khota jaa raha hun.
jab bahut jayada pareshan ho jata hun to baba ko cheekh cheekh kar pukarta hun, roo roo kar bulata hun ki baba mujhe aapki abhi aur isse time jarurat hai. magar aksar khud ko akela paata hun. aise me himmat sath chodne lagti hai.jab charo aur andera hota hai to bacha apni maa ko pukarta hai. jab maa ki awaj sunne ko milti hai to bache ko ye ehsaas hi bahut hota hai ki uski maa yahi hai, uske aas-paas. magar jab maa ki koi awaj hi na mile to bache ki halat dar ke karan buri ho jaati hai, aur woh akelepan se dar jaata hai. wahi haal mera bhi hai. mai andere me baba ko pukar raha hun. baba ki ek reply mera sahas bada deti hai, aur jab baba ka reply nahi milta hai to mai bhi ek bache ki tarha dar jata hun.
shreya ji mai ek bahut kamjoor insaan hun.baba ke bina mai ek kadam bhi nahi chal sakta hun.
mai aapki tarha himmat wala nahi hun jo pareshani me bhi muskura saku. mai to bahut bahutttttttttt kmjor hi chuka hun, ladte ladte.
anyways, again thanks a lot for your valuable support.
om sai ram.