jubs ji,
Important ye nahi hai ki aap ko jitani takleaf hui hai utani hi takleaf dilip ko bhi ho, important ye hai ki aap ko wo takleaf nahi honi chahiye, past me jitani ho chuki hai use bhoolana aasan nahi hai main maanta hun (aur uska equal dilip ko bhi mehsoos hona chahiye par aap ye sochte sochte apne aap ko hi takleaf dene lag jayengi ki dilip ko bhi itni hi takleaf ho aur aise me past ki takleafon ko yaad karne ka matlab hoga fir se wahi takleaf jhelana), lekin agar aapne aage aane wali takleafon ko mehsoos karana shuru kar diya, to aap depression se severe depression me chali jayengi, jahan se wapas aana bahut mushkil hota hai, so keep your natural happiness alive, udas rehana chhod dijiye...
Mere affair me main severe depression se gujar chuka hun, aur ye samajh gaya hun ki kitna bhi true love kyun na ho insaan dheere dheere sab bhoolne lag jata hai, pehle mai din me 12 hrs uske baare me sochta tha bina effort kiye, par ab meri puraani yaaddaasht kamzor ho gayi hai, infact i have forgot myself ki mai pehle kaisa thaa (shaayad isi ko zindagi ka barbaad hona bolte hain) lekin recently i faced some very dangerous calamities of my life, even mai ek baar police station me baitha tha severe depression state me, aur wapas jaa kar suicide karna tay kar chukaa thaa, (jo kabhi aise situation me na fansaa ho wo kabhi samajh nahi sakta ki begunaah insaan ko police thaane me daant kar dhamkaa kar uske hi family ke innocent person ke conviction ke liye inquiry karna , wo bhi severe depression ke mariz ko, main to apni jaban bhi nahi khol paa raha tha, aankhon me aansoo aate the,tab mujhe is baat kaa ehsaas hua ki true love ke bare me soch soch maine kya khoya hai, mai extrovert hua karta tha par ab introvert hun,why ? yahi soch soch kar ki usne jitani takleaf mujhe di utni hi use bhi milni chahiye) wo police inquiry wala din meri zindagi ka sabse kharab din tha i admit, us din laga ki pyar se bade gam bhi hain duniya me jisse apna defense karne ke liye prepared rehna jaruri hai. Mind ko working aur fast working state me rakhna bahut jaruri hai aaj k daur me mind jyada imp hai na ki dil.
Aur prepare hone me jo cheez aade aati hai wo hai 'pyar me mili takleaf' jise roz roz mehsoos karke hum apne mind ki speed kho dete hain, so please develop a feeling of happiness, spare your time with your family & your friends, koi na koi aisi saheli (best friend) jarur hogi jiske saath aap apna samay bitana jyaada pasand karti hongi, usse baaten kijiye, paas na ho to phone par kijiye, but don't keep your mouth shut for dilip, make more friends as much as you can.
Apne aap ko depression se bachana apna pehla aim banaiye.Sai Satcharitra padhna really bahut faaydemand hai, read it daily, aur aap Narasimhaswamy dwaara likhit "Experiences Of Devotees " download kar lijiye, wo bhi bahut achhi kitaab hai.Aur daily half an hour padhiye.
Itne dino ke (6yrs) experience se mai itna keh sakta hun ki bhale hi aap dilip ko na bhool payen par gradually aap ko doosre ladke achhe lagane lagenge (this is wht i feel now) ab aisa lagta hai ki mujhe mere first love se jyada khushi kisi bhi doosri ladki se mil sakti hai jise mai chunu.Ab wo depression ka period beet chuka hai, now i am feeling better, ab meri X mere liye ek common ladki hai, now i can't love her, jitna pehle karta tha utna to nahi, par jab tak akela hun uski yaad aati rahegi, isiliye to thread ka naam "I need justice" rakha hai.
'Change is law of nature' insaan dheere dheere apna past bhoolta jata hai (bhale hi usme bahut takleaf hoti hai), uski zindagi me naye log aate jate hain, usme se kuchh pehle walon se bhi jyaada pyaare ho jate hain (in unbelievable manner).
To aap ye mat sochiye ki aap kisi aur se pyaar nahi kar payengi, aur dilip ki takleaf aapko hamesha satayegi, aap bhi baad me apne life partner ke saath sukhi ho jayengi.Aur us wakt aapko aapke us naye rishte ki keemat ka ehsaas hoga jab aap apna past yaad karengi.Who knows BABA shayad us aane wale rishte ki keemat karane ke liye hi aisa kar rahe hon ?