Main aur meri tanhai ....

[GaneshHariharan]

Om Sairam

Main aur meri tanhai aksar ye batein karte ...
aap hote to aisa hota , aap hote to vaisa hota ...
main our meri tanhai ....

Main kis baat par rooth jata , aap us baat par mana dete ...
Main kis baat par rone lagta , aap us baat par hasa dete ...
main aur meri tanhai aksar ye batein karte ....

Main kis baat ko bigaad deta , aap us baat ko sawaar dete ...
Main kis mod par behlaa jaata , aap us mod par mera intezaar karte ...
main aur meri tanhai aksar ye batein karte ....

Mujhe kis baat ka ehsaas na hota, aap us baat ka ehsaas dilate ....
Mujhe sirf apna hi khayal hota , aap doosron ka bhi khayal dlate ....
main aur meri tanhai aksar ye batein karte ....

Main galat raaste par nikal jaata , aap sahi raaste par laga dete ....
Main phoolon ke takiye par sota rehta, aap pathar ke takiye par so jaate ....
main aur meri tanhai aksar ye batein karte ....

Main apni aankhon par patti laga chalta, aap us patti ko utaar phenkte....
Main aapse kabhi judha ho jaata , aap mujhe phir mil jaate ....
main aur meri tanhai aksar ye batein karte ....

Main kabhi bhookha rehta , aap mujhe roti khilaate ....
Main kabhi thand se kaapta, aap apne dhuni se mujhe garmi dete ...
main aur meri tanhai aksar yeh batein karte ....

Main kis baat par pareshaan rehta , aap us baat par chitt ko  shaant kar dete ....
Main kis rog se peedith hota , aap udi se peedha door karte ....
main aur meri tanhai akasar yeh batein karte ....

Main kabhi aapki mahaanta ko na jaan pata, aap apne leelaon se mera vishwaas sulghate....
Main kabhi apne ghamand par kaboo na kar paata , aap ek chutki se mere ghamand ko mita dete ....
main aur meri tanhai aksar yeh batein karte ....
 
He Sai kaash aap mere paas hote , mujhe kisi baat ki zaroorat na mehsoos hoti.bas aapke kamal charnon ki seva ki khwayish hi rahti....

Om Shri Sainathaya Namaha.

[manmeet]

om sai ram
                beautiful poem ganesh ji thanks for sharing,
He Sai kaash aap mere paas hote , mujhe kisi baat ki zaroorat na mehsoos hoti.bas aapke kamal charnon ki seva ki khwayish hi rahti................................        beautiful

[GaneshHariharan]

Thank you manmeet ji. May Sai bless you with what you desire soon. Om Shri Sainathaya Namaha.

[v2birit]

Nice Poem, Nice contemplation. The Lord Loves such contemplation. 
The Lord says, "The power of Love having increased, internally, contemplation happens on the top of contemplation, just as waves climb on waves, when high tide comes in the sea."

Om Sai Ram.

[saikripa.dimple]

its really really very nice
Jai Sai Ram

[saikripa.dimple]

Jai Sai Ram!!!!!!!!!!!!!!!!!!

Hai yakeen mujhe, jarur aayenge woh
is tarah nahi meri fariyaad thukrayenge woh
aayega woh din bhi jab hum milenge
dekhte hi unko in aankhon se aansu bahenge
nahi kuch kah payenge hum
bas unhi ke gale se lag jayenge hum
kah kar alvida is bewafa duniya ko
sai ke rang me rang kar unhi ke ho jayenge hum
hai yakeen mujhe jarur aayenge woh...............
 

[saikripa.dimple]

Jai Sai Ram!!!!!!!!!!!!!!!!!

Nahi dukh unko kabhi sata paaye
jo bhi sai sharan mein aaye

muskraate hue yeh jeevan bitaye
dukh toh paas bhatak bhi naa paye
 ik baar agar tu sai ko apnaaye

bhul kar yeh duniya
bhul kar rishtedaari
ho ja magan , sai ki masti me
phir dekh kya rang laati  hai
yeh saari duniya sai ki shakti se

bhul ja ki ye sab hai tere liye
bhul ja ki ye zindagi teri hai
bas yaad rakh , toh Sai ka naam
hota hai kya, phir dekh
Sai ki marzi se..........

hai bahut sundar, suhana woh safar
jisme Sai saath saath chale
jab gire woh uthaye, kabhi humko sambhale
jab tadpane lage, toh, gale se lagaye

har pyar toh hume unhi se mila hai
yeh toh duniya toh bas, dukh hi deti
toh q naa hum bhi sai me mil jaaye
kar le sarthak ye jeevan
sai charno me apna sheesh jhukaye

Jai Sai Nath

[v2birit]

badhiya hai ji....