DwarkaMai - Sai Baba Forum

Prayers Section => Sai Baba Prayers and Naam Jaap => Topic started by: Rashi on August 20, 2010, 04:23:25 AM

Title: shukriya...sainath....
Post by: Rashi on August 20, 2010, 04:23:25 AM: on shri sainathaya namah,
sai nath aap mujhe is duniya mein leke aaye shukriya...
mujhe aise maa baap diye jo kisi bhagwan se kam nahi hai...shukriya
mujhe zindagi mein khushi di...shukriya
kisi cheez ki kami nahi hone di.... shukriya
mere har dukh ko durr kiya aur kar rahe hai..shukriya
mujhe pyar kiya..mujhe apnaya....shukriya
meri galtiyon ko maaf kiya..shukriya
mujhe dusra mauka diya...shukriya
mujhe himmat di,sahayata ki...shukriya
aapko jitna shukriya bolun kam hai....par shukriya sainath ki aapki kripa mujhpe hai sainath..
yahi kripa banaye rakhna sainath.....
shukriya baba
Title: Re: shukriya...sainath....
Post by: saimaruthi on August 20, 2010, 08:24:54 AM: Thank you baba for starting the wonderful Varalakshmi DAY
Om namo sai nathaya namaha
Om namo sri VasudeVaya namana
JAI SAMARTHA SADGURU SAI NATHA MAHARAJ KI JAI
Baba , please bless us to hear the good news through the equipment. THANK YOU SAI.
Title: Re: shukriya...sainath....
Post by: Rashi on August 21, 2010, 02:34:03 AM: shukriya sainath..ek aur khoobsurat din dikhane ke liye
mujhe ek mauka aur dene ke liye yeh zindagi aur
khoobsurat banane ke liye...ek aur mauka apni galtiya
sudharne ke liye.apne aap ko acha banana ke liye...
shukriya sai nath...
om shri sainathaya namah
Title: Re: shukriya...sainath....
Post by: Rashi on August 22, 2010, 11:40:00 PM: mushkil aati rehti hai...
toofan itna jyada bad jata hai ki
mujhe apne saath khichne lagta
par us toofan mein bhi mujhe
aage badate rehta hai aap..
shukriya sainath...
deva....baba
abhi tak meri khushiyan bacha ke rakhi hai
shukriya...aage bi bachate rehna...deva.
shukriya..deva
om shri sainathaya namah
Title: Re: shukriya...sainath....
Post by: Rashi on August 24, 2010, 02:06:46 AM: aaj kuch darr sa lag raha hai baba...
us darr ko dil se durr karo..
jo kuch bacha hai ab jeevan mein
usko ab aur naa mujhse durr karo..
jitna hai utna hi chaho
na aur main maangu jyada
bas jitna hai utna rehne do
usko naa ab mujhse durr karo..
itna kiya hai..shukriya sainath
bas thoda aur kar do..ki
jo kuch bacha hai ab jeevan mein
usko ab aur naa mujhse durr karo..
shukriya sainath
om shri sainathaya namah
Title: Re: shukriya...sainath....
Post by: saib on August 24, 2010, 06:19:52 AM: jo kuch bacha hai ab jeevan mein
usko ab aur naa mujhse durr karo..????

Sai, Kabhi kisi ki jindgi mai dakhal nahi dete jab tak samne wala sampuran samarpan ke liye taiyar na ho. Hum Sai Sai kar ker bhakti ki shakti se to shayad jeevan ki kuch kushiyan to hasil kar sakte hai, par Sai ko nahi.

Hamara hai hi kya, khali hath ayye the, kuch samay is jagat me bitayenge, fir chale jayenge, Kahan, khuda hi jane?

Jeevan ko khel samajh kar joi, to har experience khushi hi dega, agar bojh samjho ya jaroorat se jaida seriously lo, to sivay gamon ke kuch nahi hai.

There is always choice in life. Khush rahne ki or rote rahne ki. Hum kya chunte hai hamare hath mai hai. Kismat badalna bahut mushkil hota hai, par apna attitude kaisa rakhna hai, hamare hath mai hai.

Sorry, Agar kuch jaida bore kar diya ho to.

May Sai Bless You!

om sri sai ram!
Title: Re: shukriya...sainath....
Post by: Rashi on August 24, 2010, 11:53:51 PM: saib ji,
aap bore nahi karte...aap toh apni baaton se mujhe encourage karte hai.
aapke jeeven ko dekhne ke naye tareeka se main bhi us tareeke ko apnnane lagti hun,
par shayad abhi thik se samhji nahi hun..thik se jana nahi hai..isliye naadan baatein karti hun..
aapka shukriya ki aap apni baaton se mujhe ek alag rastaa dikhate hai..
mujhe zindagi ko jeene ka naya pehlu dikhate hai
aapka bahut bahut shukriya..
sai baba mujhe saib ji se milwane ka shukriya...ek bhai ke roop mein mujhe aapne inhe diya hai..yeh aapki hi leela hai..shukriya..saibaba..shukriya.
Title: Re: shukriya...sainath....
Post by: Rashi on August 26, 2010, 02:11:03 AM: shukriya sainath..ek nayi subah ke liye...
us subha ke saath ek nayi umang ke liye
ek umang jisne mujhe sikhaya ki kaise
apne guru pe shraddha rakhni chahiye
kaise khud ko guro ke charno mein
arpit kar dena chahiye....
khud ko pareshan karna chod diya hai maine
aapki bhakit mein khud ko jod diya hai maine
ab chod diya hai vyarth hi chinta karna
jab aap ho toh kis baat ka darna
fir bhi halka halka dar kati hun kabhi..
khone paahe ke maya mein fas jati hun kabhi
rehna mere saath sada...jo kar jaun mein yeh
dariya par...
jee sako woh zindagi jisme na ho darr bas
basa ho aapka pyaar....
om shri sainathaya namah
Title: Re: shukriya...sainath....
Post by: Rashi on August 27, 2010, 01:39:05 AM: shukriya sainath...socha tha kabi jaungi
par yeh na socha tha ki aap itne jaldi mujhe bulayenge
aabhi tak kuch paaka nahi tha..
par shukriya sainath aapke kripa se mere aapke dwar aana pakka ho gaya hai
main aa rahi hun baba....aapke pass arzi dali thi aapne wo arzi manzur karli
main shridi aa rahi hun..aapke darshan ke liye....
shukriya sainath..sab aapki leela hai..aapke bole bina toh patta bhi nahi hilta
aap hi ne mujhe bulaya hai ......
hamesha saath rehna baba...shukriya deva
om shri sainathaya namah
Title: Re: shukriya...sainath....
Post by: Rashi on August 28, 2010, 10:34:21 AM: aaj mann thoda ghabra raha hai..par fir bhi sab thik hai
shukriya sainath...aaj ka din bhi aacha gaya
dil kuch darr sa raha tha...par jab aap hai toh darr kaisa..
hai na sainath hai aap hai toh sab hai..
shukriya...ki aap mere saath hai
Title: Re: shukriya...sainath....
Post by: Rashi on August 30, 2010, 12:15:42 AM: shukriya sainath....
aapne jo trip banaya hai mere liye...aapne pass bulane ka
kal se uski tyaari shuru kardi hai...
apne past se nikal ke present may jeene ki koshish kar rahi hun..
aapke pass aane se pehle i have this big project at work....a project where i am directly involved..
i along with mu superiors are launching a newsletter for my office...
it would be launched before 15th...i will try all my efforts to make it beautifull i know you are with me..
my work will be recognised..with this project...i will give my best baba...i will..
shukriya sainath...for giving me the strength...it is you inside me..giving me all i want..
shukriya saibaba
om shri sainathaya namah
Title: Re: shukriya...sainath....
Post by: Rashi on August 31, 2010, 04:22:10 AM: shukriya sainath...
my project is going really great...
today our company's website was launched..where i had put in efforts..and it has come out really well
thank you sainath..its all because of your blessing that i am moving ahead in life..so smoothly
i am also given two new works...say responsibility...i will do it with all my dedication and honesty..
i know baba you are with me..
i am moving forward deva....you have guided me just the way a father guides his kid by holding their hands...
you introduced me to people who throwed light on my pathway so that i could be a more clear..
thank you deva....
shukriya sainath
Title: Re: shukriya...sainath....
Post by: saib on August 31, 2010, 09:04:06 AM: All the best for your journey. May baba make you feel his holy presence there.

om sai ram!
Title: Re: shukriya...sainath....
Post by: Rashi on September 01, 2010, 12:14:25 AM: thank you saib ji,
thank you for your wishes
om shri sainathaya namah

baba...aaj thoda gadbad hogaya..
got up late..offs ke liye bhi late...but though i reached before time..
kal ek bahut achi baat hui..i had talk to my cousin brothers after sooo long..and wen we were talking i never felt that we havnt talk for so long..he is strong boy sai baba...and nice brother also...bless him baba
he is working...give him the jump in his career that he needs...
i am sorry baba..aaj mujhse ek do galtiyan hui hai
shukriya sainath..aapne fir bhi sab sambhal liya...
shukriya mere saath rehne ke liye..mujhe himmat dene ke liye..
shukriya sainath
om shri sainathaya namah
Title: Re: shukriya...sainath....
Post by: Rashi on September 02, 2010, 04:47:36 AM: shukriya sainath...kal aapne mujhe meri pehli salary dilayi..apni kamaai hui pehli salary..
u know it well that what i am gonna do with that money...
ji baba i am coming to you...aap hi ne is kabil banaya ki main earn kar sakun...jo aapne diya wo aapko arpan..
main toh kuch bhi nahi de sakti..aapko...sab aapka diya hua hai...
par main aapko apni sachhai...apna pyaar..apna bharosa..apna sabra...deti hun baba....
meri aatma aapke charano mein hai...aap kehta hai ki sharir nasht ho jata hai...
isliye meri aatma...aapko paranam karti hai....
main aur acha kaam karungi baba...ek baar aap tak aa jaungi...aapki nazar mujhpar pad jaye...
main nazar bhar aapko dekh lun....bas....
aage to aap malik..aap karta..main bas apna karam karungi...
is nayi zindagi ke liye shukriya sainath.....is doosre mauke ke liye shukriya...
om shri sainathaya namah
Title: Re: shukriya...sainath....
Post by: Rashi on September 03, 2010, 01:44:17 AM: shukriya baba..
you have given me soo much..and we always cry for more
yesterday my brother told me about his friend and after hearing his story baba...i realised i am very lucky to have a life...bless that boy baba..give him strength...
we dont thank you enough..for all you do for us...
from the time we are born and from the time we die...you dont stop looking at us and we look at you...only when we have problems...and we know nothing is in our hand...
baba..i am sorry..today for all those times when i have ignores you..when i have not listened to you...when i have not been able to love you...when i forgot you...misused your name....i am sorry..please forgive me...
bless all...and thank you for baba for everything..thank you is not enough
but what should i give you when all is given by you...
all i give you is my honesty and my love for you...to you
shuriya sainath
om shri sainathaya namah
Title: Re: shukriya...sainath....
Post by: Rashi on September 04, 2010, 05:18:28 AM: shukriya deva...
aaj aapko ek special shukriya mujhe itne pyarre mummy papa dene ke liye.
every couple has diffrences even my mum n dad they hav...the even hav arguments
but its been 25 years ther are together still concerned for each other's health...food..clothes...
mummy still ask dad if he has reached safely and when will he be back
and with me...no matter what i do they love me the same...
i have hurt them..lied to them..but they still love me..they dont hate me..
they havent left me....they still have their hope in me.
shukriya sainath..aapki kripa se mujhe itne pyare maa or papa mile hai...
aapka bahut bahut dhanya waad baba..
shukriya
Title: Re: shukriya...sainath....
Post by: Rashi on September 06, 2010, 12:09:43 PM: shukriya sainath..
bahut bahut shukriya deva...
aaj bahut din baad mere aur papa ke beech acha tym beeta hai
it was raining really high..and dad drops me half way to my offs..since dad's offs is half way to my offs..
since it was raining and i could hardly see the road..dad told me to wait at his offs and then when rain lows down he will ask a driver n offs car to drop me home...
me n dad had poha and coffee together..shared a lot of laugh and talks...we also played a game of pool and that was amazing...we laughed..we were happy
plz baba in khushiyo ko ab kisi ki nazar na lagne do...kisi ki nahi..
aapki sharan mein hun baba..aap hi ne diya hai...
daya banaye rakhiye baba...
bahut din baad dil mein khushi hui...umeed jagi...
bhujne na dena is umeed ko baba...
shukriya deva...shukriya....
om shri sainathaya namah
Title: Re: shukriya...sainath....
Post by: Rashi on September 07, 2010, 09:57:16 AM: deva aaj mujhse ek choti si galti hui hai
mujhe pata hai wo mayne nahi rakhti...
parr fir bhi baba...mujhe maaf kariyega...mujhe galti hui hai
aaj mujhe ek kaam diya gaya tha..din bhar usi mein lagi hui thi
mujhe nahi pata wo sahi tha ya galat tha...
mann mein lag raha hai ki wo excel sheet shayad galat ho sakti hai
aap hi ko pata hoga...aapki kripa hui toh sahi hi hoga
aur agar galat hua toh main use dubara karungi
apni galti se seekhungi....
bas aap saath mein rahiyga baba....
shukriya baba
ahukriya
om shri sainathaya namah
Title: Re: shukriya...sainath....
Post by: Rashi on September 11, 2010, 02:07:10 PM: shukriya baba..aapka bahut bahut shukriya..
pochle kuch din mere..mere parivaar ke liye kuch ache ja rahe hai..kisi ki nazar na lagne dena...
main has rahi hun..beech beech mein darr lagta hai baba..par shraddha aur saburi yaad kar aapka dhayan kar vo darr khatam kar deti hun...
aaj maa ka teez vrat hai..wo na khayegi na pani peeyegi...pura din ache se beeta..puja hui...maa ne gaane gaye...mere saath dance bhi kiya..sab bada hii suhana tha aur dil ko sukoon dene wala tha...
bas baba apna aashirwaad is ghar pe banaye rakho...pichle kuch waqt se ghar dukhon se bhara hua tha...dheere dheere khushiyan wapas aa rahi hai...
yeh khushiya banaye rakhiyega...aapna haath mere sar pe rakhte rahiyega..aapke kripa bina..ek patta bhi nahi hil sakta...
mera kaam bhi acha chal raha hai...
baba aaj eid bhi hai..aapko eid bahut bahut mubarak baba..aur aajtoh ganesh chathurti bhi hai..ganpati bappa morya...
maa ke is vrat se uske sehat pe koi bura asar na ho baba..
bas yahi chinta hai ki uski tabiyat kharab nahi ho...aur chinta bhi kaisi aap jo ho saath.
papa ke office mein bhi kuch ho raha hai...yeh decide ho raha hai ki papa jis field mein hai usi mein rahenge y fir papa ko nayi field di jayegi...baba ..papa is baat se thode irritate ho rahe hai..ki late ho raha haiaur abhi tak kuch decision nahi liya gaya....papa ne MD se baat ki..aab itne post pe aake koi kaam na hone s insaan irritate ho jata hai..baba jaldi decision dilwa do..aur papa kp aashirwaad dena ki wo jo kare usme safal ho....papa bahut hard worker..aapne aap ko khud jhada kiya hai...bahut kuch sambhlte hai..mere liye wo bhagwaan hai baba..maine inhe bhi bahut hurt kiya hai..glat kiya hai...baba mujhe maaf kariyega...papa ka khayal rakhiyega baba aur mummy kabhi..humare ghar mein aise hi base rahiya apna aashirwaad banaye rakhiye,,,ghar mein khusiya batate rahiye..
sabka bhala kariye baba..is forum mein bahut log hai..unka kasht bhi durr kariye baba..sako sabke hisaab se sabse acha diya jo uske liye hai..aapna aashirwaad banaye rakhe bababanaye rakhe...
shukriya deva..shukriya sainath
om shri sainathaya namah
Title: Re: shukriya...sainath....
Post by: Rashi on September 13, 2010, 12:25:46 AM: shukriya deva,
maa ka vrat bahut ache se hogaya...aur humara din bhi kaafi ache se gaya...
maa ko maine paani pilaya...
din mein maine maa n papa n masti ki..t.v dekha..
raat min maa ko leke bahar gaye the khane..shaam mein uski tabiyat thodi kharab ho gayi thi..
baba maa ki sehat dekh lena..wo bahut strong hai...bimaar padne par bhi kaam karti rehti hai...
hum aapke pass aa rahe bas 2 din baaki hai...thik rakhna use baba....
bade hi ache mauke pe baba aapne bulaya hai...lal bagh ke darshan hone ki kamna bhi mann mein aa gayi jab se suna ki aise mauke pe main us sehar mein rahungi..
aapki wajah se hi sab hasil hai...sab prapt hai..aapka aashirwaad hai jo yeh awsar mila hai..iski purti kariyega baba,
bahut bahut shukriya baba..bahut bahut shukriya.
Title: Re: shukriya...sainath....
Post by: Rashi on September 20, 2010, 02:16:41 AM: shukriya deva...
bahut bhaut shukriya...
main aapke samadhi aayi...dwarkamai gayi...chawadi gayi...aapne itna pyara darsha n karwaya...
sach mein saburi jaruri hai...agar main gum na hoti toh main prashad lene dubara bhaiya ke saath aapki masjid na aati...main aayi toh main dwarkamai aur chawdi ke darshan kar paayi..jo aur sabne nahi kiya kyuni aur sab bas andar andar ghoome...
aur phir satyanarayan ki puja itni achi se karwai wahi aapke mandie mein...
uske pehle bhi mumbai mein...siddhi vinayak...haajiali..n mahalakshmi...
sabne kaha bheer hogi par itne aaram se darshan hue...jaise ki kisis bheed ka samnaa bhi na karna pada
shirdi mein aapke darshan kiye...kuch der tak toh aapka chehra hi dekhti rahi..par mann nahi bhara..chahe jitna bhi dekha....
aur aankhon mein aansun bhi aaye..aapko toh pata hi hai...
apne pichle zindagi ka bandhan wahi chod aayi hun...us vinti ke saath....

uske baad jab tryambakeshwar ke liye nikle toh waha bhi kya sundar darshan hua...mummy ne abhishek bhi kiya...
kyunki aapke pass aayi thi..aur aapka aashirwaad leke gayi isliye aapne sab aasan bana diya...
mann na bhara baba..mann kiya ki aur dekhu aapko..bas dekhti rahu...
koshish rahegi ki aati rahu aapke pass...bulate rahiyega baba...aapki bet hun...
aapke pyaar aur aashirwaad mein hi rehna chahti hun...
shukriya deva...
om shri sainathaya namah
Title: Re: shukriya...sainath....
Post by: Rashi on September 22, 2010, 06:11:07 AM: hey sainath
kal raat ek achi cheez hui jo achi thi aur ek cheez jise mein apne peeche chod aayi hun
aur isi cheez ki prathna leke main aap tak aayi thi...ki wo itna peeche chutt jaye ki mere aane wale kal pe aur aaj pe uska saaya na aaye....
kal maa papa ke saath bada acha time beeta..par baba...aaj subah dekha ki us saaye ka kal raat ek msg aaye tha...
msg mein likha tha..ki "thank you to those in my life for making my life beautiful ans also thank you those who left me and made my life fantastic..."
iska kya matlab nikalu baba..yeh ki aapki kripa se ab woh woh us dard se mukt ho gaya jo maine diya hai aur khush hai....ya iss darr mein jiyo ki wo dubbara wo sara dard dega jo usne mujhe...papa n mummy ko diya..phir kuch aisa karega ki main usi darr mein dubara jeeyongi....
nahi baba..nahi...aapki kripa se sab thik ho raha hai...
dubaara waha mat lao mujhe...
bahut himmat kar aage badi hun...
mujhe nahi pata us msg ka kya matlab lun...bas yahi sochna chahti hun..ki wo ab aage ja chuka hai...aur wo bas yeh batanachahta hai ki wo khush hai..
baaki sab thik hai..kyunki aap ho...aap woh saya mujhpe aue mere zindagi pe dubaara nahi aane doge....
mujhe aap par vishwaas hai...shukriya baba...mere saath rehne ke liye mujhe apna banane ke liye....mujhpe apna aashirwaad banaye rakhne ke liye...
shukriya sainath
Title: Re: shukriya...sainath....
Post by: Rashi on September 24, 2010, 08:14:21 AM: shukriya baba...
din ache jarahe hai..maa aur papa ke saath bhi acha rishta ho gaya hai..
bas baba ab mujhe shakti dena ki main unki woh achi beti ban sakun..jinka unhone kabhi sapna dekha hai..
zindagi mein aage kya hoga pata nahi...par itna pata hai baba ki jo bhi hoga aapke kripa se hoga..
koshish kar rahi hun..ek acha insaan banane ki...dheere dheere..
kahi kuch galti ho toh maaf kariyega...
maa ki tabiyat bhi aapke kripa se thik hai..
papa ki thodi thodi chinta hoti hai..par aap hai na aap sab dekh lenge toh kaisi chinta..
baaki i am putting all my hard work in my work...hope to reach where i can also make my mark...and it wont be my merit but your grace through which i will do it..
apni kripa banaye rakhiyega baba...
om shri sainathaya namah
Title: Re: shukriya...sainath....
Post by: Rashi on September 28, 2010, 02:26:05 AM: baba..bahut bahut shukriya...
papa ne daughter's day pe mujhe itna pyara gift dene ka waada kiya hai
aapki kripa se humara rishta acha ho gaya hai..
maa ki tabiyat kuch theek nahi hai..fir bhi bechari saara kaam karti hai...sabka khayal rakhti hai..
use shakti dijiye baba..uski sehat ka dhayan rakhiye...
wo aise hi kamzor hai kahin aur na ho jaye..
bahot bimaar thi aapko toh pata hai na..kahan se kahan aa gayi thi..use kuch hota hai toh humara poora ghar disturb ho jata hai...wo kamzor hai uske saath rehna baba...
us din kaam mein mujhse thodi si galti ho gayi...maaf kar dijiyega...sab thik kar dijiyega...
aapka bahut bahut shukriya deva...aapki kripa bani rahe...
om shri sainathaya namah
Title: Re: shukriya...sainath....
Post by: Rashi on September 29, 2010, 12:36:08 AM: shukriya baba
for the last night conversation with my friends.
sabse pehle baba aaj yashu ka bday hai please usey khush rakhna..
uske life mein bhi thodi uthal puthal hoti rehti hai..
usey apna aashirward zarur dena...
kal raat ke baad mujhe thoda confidence aaya hai...aapke karan hi wo baatein ho payi hai bhale hi indirectly thi par baatein end mein bilkul clear ho gayi...
shukriya baba...
maa ki tabiyat pehle se theek hai..par wo aaram nahi karti baba...
unhe thoda aaram karaiya..mujhpe aur mere parivaar apna aashirwaad banaye rakhiye baba...
shukriya deva...
om shri sainathaya namah
Title: Re: shukriya...sainath....
Post by: Rashi on October 04, 2010, 12:17:05 AM: shukriya baba..
maa ko cervical spondylsis hai..aur wo jyada badta aur jyada bura hota uske pehle hi aapne bata diya
ab 7 se 15 din ke treatment mein maa thik ho jayegi...
bas use ab apna thoda khayal rakhna padega.
shukriya baba..jyada bura hone se pehle hi aapne bata diya...kyunki aap toh jante ho maa ko kuch bhi hota hai toh hum sab disturb ho jate hai..pura ghar..kuch sahi nahi chalta uske bina...
uska khayal rakhna..aaj se uska treatment shuru hai..thoda dard hoga shuru mein.thoda exercise bhi karwayenge..use wo dard sehne ki shakti dena..yeh thoda dard hai...usey aage bahut aaram dega...
bas ab wo thik se therapy kare..doctor jo bole wo sune aur jaldi jaldi thik ho jaye...
uska khayal rakhna baba...
shukriya deva..bahut bahut shukriya.
Title: Re: shukriya...sainath....
Post by: Rashi on October 05, 2010, 03:43:11 AM: shukriya baba
aapke kripa se...
maine maafi maangi aur maafi mil gayi
galti hum dono se hui thi...par main nahi dekhna chahti ki usne mujhe maafi maangi ya nahi..
main khush is baat se hun ki maine initiate kiya aur ab hum wapas dost hai
bas baba ka naam leke kadam badane ki deri hai aur sab thik ho jata hai
aapki kripa baba...shukriya baba..shukriya
maa ki tabiyat thik ho jaye baba
woh thoda bachon jaise zidd kar rahi hai
par mujhe yakin hai baba ki aap unhe sambhal lenge..unhe aap hi sambhal sakte hai
kal shaam ka mahaul kuch acha nahi tha ghar pe...aapko pata hai..
kripa kare baba...waise waqt na aaye...
shukriya deva....
om shri sainathaya namah
Title: Re: shukriya...sainath....
Post by: Rashi on October 06, 2010, 06:42:21 AM: shukriya deva...
maa ki tabiyat pehle se better hai...
wo thik se therapy bhi kara rahi hai..unka dard bhi kam hai
unka dard kam karne ke liye shukriya..
aaj ek purani dost se baat hui...
usko apna pyaar mil gaya woh jisko chahti thi usi se uski shaadi ho rahi hai,
bahut bahut shukriya baba..usey apni khushi dene ke liye..
usey hamesha khush rakhe...aur uska jeevan apne pyar ke saath pyaar se beete
shukriya deva...
om shri sainathaya namah
Title: Re: shukriya...sainath....
Post by: Rashi on October 07, 2010, 01:39:45 AM: shukriya deva...
aapki ki kripa se kal ka din acha gaya..
aur sabse badi baat kal bhai ka phone aa gaya..
woh bilkul thik hai...bas uska mann nahi tha kisi se baat karne ka..isliye nahi kiya...
baba kal se maine sai satcharita dubaara padna shuru kar diya hai....
kal se navraatre shuru hai..aur main paath karungi..shayad vrat bhi..kripya karke himmat dijiyega ki main sab kar saku..aur apne mann sachi shraddha rakh saku...aur bina kisi kaamne me..bas aapko mann mein basaye...sirf aapke liye yeh karam karu..
aapka bahut bahut shukriya..aapke kripa se har musibat tal jati hai..
har sawaal ka jawaab mil jata hai
shukriya deva...shukriya deva
Title: Re: shukriya...sainath....
Post by: Rashi on October 08, 2010, 05:02:49 AM: shukriya deva...
aapko navratri ki hardik shubhkamnaye...
aaj ke din se mera vrat shuru hai...shakti dijiyega...
mann bada chachal hota rehta hai
pata nahi baba....kyun baba...
aapke kripa se aise toh sab thik hai...
daya karo baba...aapni kripa banaye rakhe baba...
us waqt ko aisa bita dey jaise wo waqt kabhi aaye hi na ho...aur kabhi waisa waqt aaye bhi na...
shukriya baba .....bahut bahut shukriya...
om shri sainathaya namah
Title: Re: shukriya...sainath....
Post by: Rashi on October 11, 2010, 01:46:51 AM: shukriya deva..
mera vrat thik se chal raha hai.
koi kamzori nahi hai..mujhe pata hai aapko vrat karna pasand nahi hai..
par maa yeh manti hai,aur maa ke liye main yeh vrat kar rahi un..usey acha lagta hai..papa bhi maa ke mann ke liye kar rahe hai..
hume shama kariyega baba.
aay meri cousin ka janamdin hai aur exam bhi..uska saath dijiyega..uspe apni kripa banaye rakhiyega...
aap toh uske ghar ki halat jante hi hai, sabka dhayan rakhiyega..
baba maa baar baar apni exercise bhool jati hai...aur galat tarike se karti hai..jiska uski bones pe galat asar bhi ho sakta hai..uspe dhayan dijiyega baba...
aapki kripa se sab acha hai baba..shukriya deva...
om shri sainathaya namah
Title: Re: shukriya...sainath....
Post by: Rashi on October 18, 2010, 12:56:32 AM: baba aapka bahut bahut shukriya..
aapke kripa se mere 9 din ka vrat samapan hua...
kanyaon ko khilaya...bada acha laga...aur thik uske agle din...dusherra pe...
sai mandir mein aapke punya tithi ki puja thi..
waha mujhe mauka mila ki main aape jal arpit kar payi.
aapke seediyon pe aapki sewa ki...
mann ko bahut acha laga...
shukriya sainath..yeh sab mauka aapke hi kripa se prapt hua mujhe...
shukriya deva...bahut bahut shukriya...
Title: Re: shukriya...sainath....
Post by: Rashi on October 20, 2010, 12:18:58 AM: shukriya deva...
aapki kripa se sab thik hai....maa ki tabiyat bhi pehle se thik hai...
baba aaj mujhe kuch mila hai aapko sab pata hai....main bahut khush hun yeh baat sunke..
bas jab woh din aaye to sab ho paye....
ache se aur aage bhi ache se...abhi woh ho raha hai...wahi bahut badi baat hai..maine toh uska sapna bhi nahi dekha tha....socha tha yeh mauka agle saal se pehle nahi aayega...par yeh mauka aaye hai....bhale kuch ghante ke liye...bas baba sab ache se kariyega....
shukriya deva..is khabar ke liye hi shukriya....
bas is khushi ko kisi ki nazar na lagne de....
baba..deva...shukriya....
Title: Re: shukriya...sainath....
Post by: Rashi on October 21, 2010, 09:51:43 AM: shukriya baba....shukriya
kabhi nahi socha tha yeh din aayega aisa din...woh bhi aapke din..
aaj aapni sabse badiiccha ke saath aape darshan karne aayi
bas baba ....yahi aashirwaad banaye rakhna
aaj bahut din baad khush hun..is khushi ko nazar na lagne denaa
aaj ka din sirf aapke aashirwaad se prapt hai...baba apni is beti ko isi tarah apne aashirwaad ke saaye mein rahna,
deva...shukriya...baba shukriya....
bas baba bas...aise hi...shukriya baba
om shri sainathaya namah
Title: Re: shukriya...sainath....
Post by: Rashi on October 23, 2010, 09:28:00 AM: baba aapka bahut bahut shukriya...
aaj sirf aapke wajah se mujme himmat aayi...maine aapse maanga aur aapne mujhe diya
thik usi waqt jab mujhe chahiye tha...
aap hamesha sach ka saath dena chahte the...
maine aaj ek sach bolna chaha...aur aapne mujhe himmat di..aur maine bola...
sirf aapki wajah se..aage jo ho woh toh likha hai aur aapne likha hai..aur mujhe yakeen hai ki aapne mere liye acha hi likha hoga....
main aaj khush hun..main apne darr se nikal gayi hun...aapne aap ko jo pal pal maarti thi ab nahi marungi....
shukriya baba..is himmat ke liye...
aapka aashirwaad aisa hi bana rahe baba.
om shri sainathaya namah
Title: Re: shukriya...sainath....
Post by: Rashi on October 25, 2010, 01:59:03 AM: bas deva...
isis tarah himmat dete rahiyega...
sahi raasta dikhate rahiyega..aur meri mada karte rahiyega...
aaj aapki wajah sehi..itna ho paaya hai jitna hua hai...aage bhi sab aap hi thik karenge...
shukriya deva is himmat ke liye..
aur itna sab ke baad bhi...sab thik hai..sab waisa hi hai...
thoda toh badlega hi..par uska koi farak nahi pada..jaisa maine socha tha.
yeh sab aapki kripa hai sadguru...
shukriya sainath
om shri sainathaya namah
Title: Re: shukriya...sainath....
Post by: Rashi on October 26, 2010, 01:58:20 AM: Thank you deva...
aapne mujhe jo himmat di sach bolne ki...
par ab lagta hai raasta aur kathin ho gaya hai
sawaal hai jo khatam nahi hote....
dard jo jhoth ke bhoj se tha woh jyada ho gaya sach bolne se...
par baba jab jhooth bola tab nahi socha...toh sach bola hai toh isme kya sochna...
dard hai...par khushi hai ki sach bola...
bhoj hai par aatma shant hai ki sach bola...
aapki leela aap jano...main toh jaanu aapko
aap hi mere mann mein basey...saupa khud ko aapko.
shukriya deva
Title: Re: shukriya...sainath....
Post by: Rashi on October 29, 2010, 12:41:36 AM: sai baba...
shukriya.
un saare sawal ko ant karne ke liye..
agar aap mujhe strength na dete toh main woh bhi nahi kar pati.
aapka shukriya baba.
bas ab aage ki zindagi aap dekh lijiyega...
jitna mujhe darr tha...chahe jo bhi tha...waisa kuch nahi hua...sab aasani se aaram se ho gaya.
baba aapse jo prathna ki thi...aapko mann mein leke jis raah pe chali thi us raah pe jyada kathnai nahi mili...
aapka shukriya baba...
aage bhi aapko dil mein leke aage badti rahungi baba...bas apni bachi pe hamesha apna pyaar aur aashirwaad bhara haath rakhe rahiyega....
shukriya baba..shukriya baba
om shri sainathaya namah
Title: Re: shukriya...sainath....
Post by: Rashi on November 01, 2010, 11:38:19 PM: shukriya deva,
kal maa ka bday tha ..aapne usey thik rakha uske mood ko thik rakha
bahut bahut shukriya
bas uske health ka thoda khayal rakhiye deva..
kal offc mein bhi diwali celebratn tha...
maine aur maam ne rangoli banayi...sabko bada acha laga...
shukriya deva...
bas isi tarah apna aashirwaad humare parivaar pe banaye rakhiye baba...
papa ka toh bahut dhayan raklhye baba
woh hai toh sab hai..humari har kkhushi hai woh...
shukriya deva..
om shri sainathaya namah
Title: Re: shukriya...sainath....
Post by: Rashi on November 08, 2010, 04:31:19 AM: shukriya baba..
aapke kripa se diwali bahut ache se beeti
papa ke saath milke tayarri ki..rangoli banayi...
maa ki bhi tabiyat thik thi....even she was a into all..
after a long tym we had such a beautiful diwali..
par baba aap jaante hai ki diwali ki subah main royi..
mera beeta hua kal fir mere saamne aaya..
baba mujhe nahi pata uska arth kya hai..par jo bhi hai mera mann thode der ke liye ashant ho gaya tha..kripa kare baba...
sab thik kare.
om shri sainathaya namah
Title: Re: shukriya...sainath....
Post by: Rashi on November 09, 2010, 11:24:20 PM: shukriya baba
mujhe darr laga par aapne shant kiya..
apne doston se share kiya toh unhone bhi help kiya...
par baba reh reh ke...kuch kuch...
bas baba ab sab khatam kardijiya...shant kardijiye.
aapki badi kripa hai apni is beti pe...aapna asshirwaad aur pyar bhara haath mere sar se mat uthayega
aapke karan itni himmat hu hai...ab shanti pradaan kariye baba sabke mann mein aatma mein.
shukriya deva...shukriya
om shri sainathaya namah
Title: Re: shukriya...sainath....
Post by: Rashi on November 12, 2010, 12:37:34 AM: Shukriya baba...
bahut bahut shukriya
acha pal guzaarne ko mil raha hai...
aapko pata hai humare trip ke pehle destination ke baarein mein
waha kyun ja rahe hai...woh bhi aapko pata hai...
mann mein shak nahi hai..woh kehte hai jab ki batane wala hota hai toh raasta aasan hota hai
sadguru toh aap ho...sab aapke haath mein hai..
jo ho raha hai wo aapke krpya se ho raha hai...shayad mujhe answer dene ka yahi tarikaa hai
Bas yeh answer kya hai...wo nahi pata....
ek insaan hun...jo apne hi desires se ghiri hui hun...aapne papo se mukti paane ki chaht..
chaht ki aage aane wali zindagi pe beete huey bure saayon ka asar na ho...
chaht ki woh mujhe maak kare...aap mujhe maaf karo...
bas shayad iska jawab lebe hi ja rahi hun..
darr toh hai jawab kya hoga..par aap par wishwas hai jo hoga bahut acha hoga..kyunki aapke mann se hoga aapne likha hai...mere liye acha hi likha hoga....
shukriya dva...bahut bahut shukriya...
om shri sainathaya namah
Title: Re: shukriya...sainath....
Post by: panwar_ashish on November 20, 2010, 02:53:10 PM: Sai baba aap best hain. Thank you I have started getting up early, by your grace things have started moving on the positive front. i got help from you to do my MBA and decide which college to choose and that too you got me at a reasonable price. Thank you so much. I by your grace surya bhagwan ko subanh jal offer chadhata huun, then i pray to Almighty in all forms as per hindu religion and pray to you. After offering my prayers I have started taking care of works and priorities i have. thanks baba just want to pray that i do not become greedy and do not ask you for many things or do not ask you for many wishes. Can do well in life and help your people children. Jai Sai Ram!
Title: Re: shukriya...sainath....
Post by: Rashi on November 22, 2010, 12:22:07 AM: Bahut Bahut shukriya baba
aapke kripa se humara trip acha gaya
swami ji se mulakat bhi hui
mann bhi bahut shant ho gaya
aisa lagta hai har swal ka jawab mil gaya.
ab bass wahi hai jo aap kehta hai...SABURI
bas aap saath rahiyega toh yeh waqt bhi aaram se kat jayega...
Baba ji maa ko aate waqt fever ho gaya hai...bas unka khayal rakhna..
aapne har jagah apne darshan diye...bahut shukriya aapka.
om shri sainathaya namah
Title: Re: shukriya...sainath....
Post by: Rashi on November 24, 2010, 02:11:55 AM: shukriya baba
itna acha mauka dene ka...aur saare intazaam bhi kara diya aapne...
itni aasani se...aur itne aaram se...
kabhi socha nahi tha..itni aasani hogi..
par sab ho gaya...bas ab ek cheez hai..wahi kar dijiye bas...
ho hi jayega wo kaam bhi jab aapne itna karaya hai toh yeh bi toh karayenge
bahut bahut shukriya baba..
is mauke ki jarurat thi..bahut jyada jarurat..
om shri sainathaya namah
Title: Re: shukriya...sainath....
Post by: dayalvasnani on November 24, 2010, 02:35:15 AM: Bless your devotee Baba

Om Sai Shri Sai Jai Jai Sai
Om Sai Shri Sai Jai Jai Sai
Om Sai Shri Sai Jai Jai Sai
Om Sai Shri Sai Jai Jai Sai
Om Sai Shri Sai Jai Jai Sai
Om Sai Shri Sai Jai Jai Sai
Om Sai Shri Sai Jai Jai Sai
Om Sai Shri Sai Jai Jai Sai
Om Sai Shri Sai Jai Jai Sai
Om Sai Shri Sai Jai Jai Sai
Om Sai Shri Sai Jai Jai Sai
Title: Re: shukriya...sainath....
Post by: panwar_ashish on November 24, 2010, 09:06:17 AM: Jai Sainath Maharaj Ki
Title: Re: shukriya...sainath....
Post by: Rashi on November 30, 2010, 10:29:08 PM: Bahut shukriya baba..
Sab kuch thik thak hi ho gaya..ek dum waisa toh nahi socha tha par acha tha
mera ek din aise hi jata ....par nahi gaya aapne bacha liya..
agar aise bhi jata toh wo bhi acha hota....par aapne mera kuch aur hi acha soch kar waise nahi kiya...
aap jo scho mere liyewo kabul hai baba kyunki vishwas hai ki aap acha hi sochoge....aur mera acha hi karoge
uski tabiyat kharab hai....aur mujhe thoda darr bhi hai..
aap jante hai kyun..
uski sehat ka khayal rakhiyega...
aur mujhe yakeen hai ki aap rakhenge....aap sabka bhala hi karte hai..par hum use samhaj nahi pate us waqt...mere liye toh aap jo bhi kare mujhe pata hai aap acha hi karenge.
aapka bahut bahut shukriya..khushi ke un kuch pal dene ka...
om shri sainathaya namah
Title: Re: shukriya...sainath....
Post by: Rashi on December 02, 2010, 03:31:15 AM: Shukriya Baba...
usey malaria hai...kuch utna bada ahi jitna hum sabko darr tha
bas baba ab uskey dard ko thoda kam kar de..uska khayal rakhe.
is bimari se gujar jane ki usey shakti di.
aapke ashirwaad se hi sabka bhala ho sakta hai.
Shukriya baba..bahut shukriya.
om shri sainathaya namah
Title: Re: shukriya...sainath....
Post by: Rashi on December 13, 2010, 12:42:48 AM: Shukriya baba
aapne takat di...us bimaari se ladne ki..he is fine doing well..
App har waqt apne bhakto ke saath rehte ho....aapke bahkto se koi galti ho jaye toh unhe maaf karna.
Baba sab thik hi hai aur aapke kripa se sab thik hoga.
Apni kripa banaye rakhe...Shukriya Baba.
om shri sainathaya namah
Title: Re: shukriya...sainath....
Post by: Admin on December 13, 2010, 05:51:08 AM: Hello Rashi

This calls for a party :)

Congrats.

Sai Ram

Quote from: Rashi on September 02, 2010, 04:47:36 AM
shukriya sainath...kal aapne mujhe meri pehli salary dilayi..apni kamaai hui pehli salary..
u know it well that what i am gonna do with that money...
ji baba i am coming to you...aap hi ne is kabil banaya ki main earn kar sakun...jo aapne diya wo aapko arpan..
main toh kuch bhi nahi de sakti..aapko...sab aapka diya hua hai...
par main aapko apni sachhai...apna pyaar..apna bharosa..apna sabra...deti hun baba....
meri aatma aapke charano mein hai...aap kehta hai ki sharir nasht ho jata hai...
isliye meri aatma...aapko paranam karti hai....
main aur acha kaam karungi baba...ek baar aap tak aa jaungi...aapki nazar mujhpar pad jaye...
main nazar bhar aapko dekh lun....bas....
aage to aap malik..aap karta..main bas apna karam karungi...
is nayi zindagi ke liye shukriya sainath.....is doosre mauke ke liye shukriya...
om shri sainathaya namah
Title: Re: shukriya...sainath....
Post by: Rashi on December 14, 2010, 01:32:48 AM: Hey Ravi bhaiya....
Party...neday No problems at all..
but may b with 5th salary...since 1st is all consumed in the trip to shidi.

Hw are you?
Take care
om shri sainathaya namah
Title: Re: shukriya...sainath....
Post by: Rashi on December 28, 2010, 03:11:24 AM: shukriya Baba...
aapne mere sir ki zindagi bacha li..abccu mein humare offs woh pehle se ache hai par blood clot abhi bhi hai.
Baba ji sab thik kariyega..
Bas aajkal din bada ajeeb ja raha hai...mere frnd ki dadi ccu mein hai
humare offs ke ek aur employee icu mein hai..
Baba ji yeh kya ho raha hai...
aap hi kripya se sab thik hoga..sab thik kariyega Baba...
aapka bahut bahut shukriya jeewan dene ke liye...is jeewan ke karta dharta aap hi hai...
sabki banaye rakhiyega Baba
shukriya Baba....shukriya
Title: Re: shukriya...sainath....
Post by: Rashi on December 28, 2010, 11:09:07 PM: shukriya sainath..
har us subah ke liye jo apne hume di
har us pal ke liye jo humne jiye
har us lamhe ke liye jime humari khushi ne hume rula diya
har us khushi ke liye jisne hume hasa diya
har us gham ke liye jisne hume aur mazboot bana diya
har us andhere ke liye jisme humne roshni karna sikha
har us ujale ke liye jisme humne khud ko roshan kiya
har us ashirwaad ke liye jo hume mila
har us pyar ke liye jo humne diya
har us galti ke liye jisne hume sahi galat mein farak bataya
har us maafi ke liye jo humari har galti karne par mili
har us ehsaas ke liye jab humne kisi ko taklif di
har us sparsh jke liye jo humari taklif mein hume mili
har us sewa ke liye jo hum kisi ke liye kar paye
har us asafalta ke liye jisne hume aur aage badna sikhaya
har us jyot ke liye jo hum jala paye
har us asha ke liye jo hume aapse milti hai..
shukriya sainath..bahut bahut shukriya.
Title: Re: shukriya...sainath....
Post by: Rashi on January 17, 2011, 09:07:31 AM: Shukriya baba....bahut bahut shukriya
is naye saal pe itni achi khabar...
bua ki shaadi fix ho gayi baba...bas uski aage zindagi achi rakhna...
ladka pariwaar sab acha ho...
usne bina kuch sawal kiye haan kar diya...
bas aapke upar vishwas rakh ke....
aage aapki kripa...
shukriya baba...shukriya
Title: Re: shukriya...sainath....
Post by: Rashi on January 24, 2011, 08:10:15 AM: Baba...shukriya...mere prathna ko sunane ke liye..
main jahan musibat mein hoti hun wahi aap mera saath dene aa jate hai...
kahi na kahi se aap mere probs ka solution bhi nikaal dete hai...
shukriya baba...aisa lagta hai jaise mujhe aapse maafi mil gayi..aapne mujhe maaf kar diya ho...shukriya baba...
Om shri sainathaya namah
Title: Re: shukriya...sainath....
Post by: Rashi on February 09, 2011, 01:23:27 AM: shukriyaa Baba..
bua ki shaadi fix ho gayi...
shukriya baba mujhe nayaa raasta dikhane ki...
har pal har waqt aap mere saath rehte ho..kahin na kahin mil jate ho...
kisi na kisi tarah mujhe sahi raasta bata dete ho..sahi baat hai agar insaan sabar kare toh use apne saare sawalo ke jawab mil jate hai...apne har mushkil ka hal mil jata hai..
aappe shraddha aur apne aap mein mein sabar....aur aap har bhakt ki mushkil apna bana lete ho...uske pair ke kaaten apne pair mein le lete ho...
shukriyaa baba...aap mujhse itna pyar karte ho...aur mere mann apne aap pyaar jaga dete ho...
om shri sainathaya namah
Title: Re: shukriya...sainath....
Post by: kannapurni on February 14, 2011, 02:44:02 AM: sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
sainath sainath sainath sainath
Title: Re: shukriya...sainath....
Post by: manmeet on February 17, 2011, 12:32:19 PM: om sai ram
Rashi I am happy sach me bahoot kam log hai jo baba ka shukria karte hai tumhara tarika mjhe andar tak bhigo gaya hum jese log to bas mangte he rehte hai shukria karna bhool jaate hae
shukria tumhara...
shukriya baba ka..
Title: Re: shukriya...sainath....
Post by: Rashi on February 28, 2011, 02:41:29 AM: Shukriya Manmeet Ji,
i am touched by your post.May Baba Bless you.

Shukriya Sainath,
har us achi khabar ke liye jo aapne hume di...
har us buri Khabar ke liye jisse aapne hume face karne ki himmat di
har us galti pe maafi dene ke liye
har chot pe dawaa dene ke liye
har dard ko door karne ke liye...
aap nahi hote baba...toh woh waqt mere liye pahaar se bhi bhari hota
aapke hone ke karan sab aasan ho gaya..
shukriya baba..
bas mere dard ko bhi mujhse door kariye...
Title: Re: shukriya...sainath....
Post by: Rashi on March 04, 2011, 01:12:29 AM: Shukriya Sainath,
Shukriya Baba....ache din dikhane ke liye...mera darr bhagane ke liye
himmat diya aapne...
kal parson mein jo hone wala hai woh aapko pata hai...meri didi ki zindagi aur usse jude logo ki khushiya hai usme...uska faisla aap jante hai..
agar hua toh toh aapne humari sun li aur agar na hua toh aapne mare liye fir kuch aur acha socha hoga...
aapki naa mein bhi humari bhalayi hoti hai..
shukriya baba...ki aap humse itna pyaar karte hai...

om shri sainathaya namah
Title: Re: shukriya...sainath....
Post by: Rashi on March 21, 2011, 03:04:45 AM: shukriya sainath,
didi ki shaadi pakki ho gayi..kitne logon ke chehre pe aapne khushiyan dedi...
aapka bahut bahut shukriya
aap apne kisi bhi bhakt ko dukhi nahi dekh sakte...aap bahut dani ho baba...
apne daan ka dhan humpe barsaate rehna...
aapna dil humare dil se jode rehna baba..
aap ho..toh acha bura sab aapko saupa hai...
aap hi mere andhere ki jyoti ho...
aapke karan main hun jo hun
aise hi saath rahiyega baba..
shukriya sainathaya ...bahut bahut shukriya
Title: Re: shukriya...sainath....
Post by: Rashi on March 26, 2011, 11:46:15 AM: Shukriya Sainath,
Aap kahin na kahi kaise na kaise meri izzat rakh h lete ho...
aap apne bhakton ke liye kya nahi karte
unka dukh apne upar lete ho...khud dard sehte ho unhe khushi dete ho...
aaj aapne mere ek baar mangne pe mujhe wo cheez dedi..aapka bahut bahut shukriya deva...
bahut bahut shukriya
apni beti ke sar pe aise hi apna haath banaye rakhna deva.
om shri sainathaya namah
Title: Re: shukriya...sainath....
Post by: SaiSevak!9 on March 28, 2011, 03:09:55 AM: Baba bless all!! :)

Om shree Sai Jai Jai Sai

Sukhkaari Teri Mahima Sai 8)

SABKA MAALIK EK! ;D
Title: Re: shukriya...sainath....
Post by: Rashi on April 06, 2011, 02:38:05 AM: Shukriya Baba
Bhale hi 5 ghante ka waqt mila par usme bhi itni khushiya di...aapka bahut bahut shukriya...mujhe nahi pata iska matlab kya hai...par main yahi sch ke chalungi ki sab acha hai...kyunki mujhe aap pe vishwas hai ki ab sab acha hoga...
aap sab acha karenge....
Shukriya deva...bahut bahut shukriya.
Om shri sainathaya namah
Title: Re: shukriya...sainath....
Post by: Rashi on April 18, 2011, 05:47:38 AM: Shukriya Deva....bahut bahut shukriya
sahi mein aap apne bhakto ka dard dekhte ho...
pehle toh samhaj nahi aa raha tha ki kya hoga ki achanak sab theek ho jayega..
aur ab aap dheere dheere kuch na kuch aisa kar rahe ho...ki sab samhaj mein aa raha hai..
mere pankho ko thoda khol diya aapne...mujhe mere gunaaho ke liye maaf kiya aapne..
mujhe meri khushi de rahe ho...
aap sach mein apne bhakto se aur kuch nahi bas shraddha aur saburi hi mangte ho...
deva..baba...mere aankh mein santushti ke aansu hai...
baba ji aapka bahu bahut shukriya...
shukriya baba.
Title: Re: shukriya...sainath....
Post by: saimaruthi on April 18, 2011, 09:32:40 AM: Om namo sai nathaya namaha
Om namo sri vasudevaya namaha
JAI ANANTAKOTI BRAMHANDANAYAKA RAJADHIRAJA YOGIRAJA PARAHBRAMHA SRI SACHITANANDA SAI NATHA MAHARAJ KI JAI
BABA PLEASE BLESS YOUR CHILD WITH THE NAME AARUSH AND TAKE CARE OF HIM BABA
Thank you baba for starting the day...JAI SACHITANANDA...JAI SAI...JAI SAI...JAYA JAYA SAI.
Title: Re: shukriya...sainath....
Post by: Rashi on June 23, 2011, 01:30:32 AM: shukriya baba
itne saare ache pal ache din dikhane ke liye..
sabko khush rakhna baba..sabko sukhi rakhna.
jinhone bura kiya unhe maaf karna baba..
aur mujhe bhi baba..maine bhi bahut bura kiya hai..
bas aapke us aashirwaad ka intezaar kar rahi hun..
mujhe pata hai aap bataoge mujhe baba jaise abhi tak batate aa rahe ho.
Shukriya Baba..aapka Bahut Bahut shukriya..
Om shri sainathaya namah
Title: Re: shukriya...sainath....
Post by: Rashi on June 27, 2011, 01:11:35 AM: Shukriya Baba,
aapke karan hi main aaj yeh kar payi hun...
main bahut khush hun baba..shukriya baba..
zindagi mein jo bhi aap khote ho..woh kahi na kahi kisi na kisi roop mein aapko wapas milta hai
main khush hun..mujhe dikh raha hai ki ab aap mujhe woh dusraa mauka de rahe hai baba
shukriya mere sai..shukriya mere baba
aaj aapke naam ke sahare main yeh kar payi..aur aap hi ke sahare mujhe positive response mila
varna peechle ek saal se toh sab negative hi tha..
shukriya sainath..bahut bahut shukriya.
Om shri sainathaya namah
Title: Re: shukriya...sainath....
Post by: PiyaSoni on June 27, 2011, 01:15:45 AM: OMSAIRAM

BABA BLESS YU ALWAYS WITH YUR DESIRES ...

BOW TO SHRI SAI ...PEACE BE TO ALL

SAI SAMARTH........SHRADDHA SABURI
Title: Re: shukriya...sainath....
Post by: Rashi on August 01, 2011, 02:21:34 AM: Shukriya sainath..bahut bahut shukriya..
aapko kaise bataun..ki kuch cheeze kaise badal jati hai,
aapke battoon ko yaad karke..mann ka aatmvishwas badd jata hai
mann mein yahi leke chalti hun ki aap ho toh kya darna..n sachi mann mein koi darr ghar nahi karta..
Shukriya baba...aapne apni bachi ki madad ki..
aage bhi aisa he apna haath mere sar pe rakhna baba..
isey kabhi na uthana...
yahi meri shakti hai..shukriya baba...shukriya
om shri sainathaya namah
Title: Re: shukriya...sainath....
Post by: Rashi on August 11, 2011, 03:44:37 AM: Babaji,
aapka bahut bahut shukriya..
yeh din dikhaya aapne..sach kaha aapne time ke saath sab thik ho jata hai
bas aap mein shraddha aur khud mein sabar rakhne ki jarurat thi
kal ko main woh kadam bhi utha sakti par nahi uthaya
aaur aaj aapne mujhe usi cheez ko baksha
jis cheez ke liye maine us kadam ko uthane ka socha
par deva..woh aapne dilaya aur woh bhi utne hi izzat ke saath
shukriya deva.
Title: Re: shukriya...sainath....
Post by: Rashi on September 27, 2011, 02:18:24 AM: Shukriya Baba,
Aisa nahi ki musibatein nahi hai..par aapke hote huey unko saamna karne ki himmat aa jati hai,
aisa nahi hai ki Dukh nahi hai..par aapko mann mein basa lun..toh unme bhi khushi dikhayi deti hai.
Jahan darr lagta hai waha aapka naam leke aage badti hun..
Jahan kadam thak jaate hai waha aapka naam leke..ek kadam aur badati hun..aur us agle hi kadam mein manzil paa leti hun..
Jeevan mein haar chuki thi..thak chuki thi..aur us waqt mujhe nahi pata tha ki mujhe kya chahiye..par aapko sab pata hota hai..aapko pata tha ki mujhe aap chahiye..aap aaye..mera haath thamma mujhe khada kiya...
Shukriya Baba...Shukriya Baba..
Mann mein yeh vishwas hai ki aap saath ho...dil mein yeh bhavna hai ki bure mein bhi acha chupa hai..zindagi jee rahi hun..aur sach mein..badi achi hai zindagi..sundar hai..ab jeene ka mann karta hai.
Shukriya Baba...Shukriya.
Title: Re: shukriya...sainath....
Post by: Devbani on September 27, 2011, 02:38:56 AM: bahut hi achha lagaa jaankar.............sai bless you always

:)
Title: Re: shukriya...sainath....
Post by: Rashi on September 29, 2011, 06:10:31 AM: shukriya sainath...shukriya Baba
aapke kripa se sab thik hai...
Uski tabiyat kaise hai woh aapko bhi pata hai Baba...
Mere mann mein kitni uthal puthal chal rahi hai woh bhi aap jaante hai..
isey shant kariye baba..mujhe pata hai ki yeh sirf aap hi kar sakte hai.
ab tak aapney har waqt mujhe raasta dikhaya hai warna main toh bhatak gayi thi..hamesha mera saath dijiye baba..mujhe sahi raasta dikhayie...
Shukriya Baba..har ek saans ke liye..har ek muskaan ke liye...har roshni ke liye..har andhere ke liye..andhera hua toh jana ki aap is andhere mein mere aane wale ujale ki neev khadi kar rahe the..
Shukriya sainath..Shukriya.