Dinesh kumar
Sabhi sai bhakto ko mera namskar, San 2005 oct meiney aur mere dost Ashok ne with family humney shirdi jaaney ka karyakarm banaya. Toh meiney lagbhag 1.72 months pehely ticket book karwa di Karnataka Exp.se lakin mujhe RAC mile. Toh soucha ki abhi to kaafi time hai confirm ho jaayege. Hum intjaar kartey rahe. Aakhir woh din aa he gaya jab humey jaana tha lakin hamare tickets confirm nahi hui. Mare papa ko travelling ka kaafi anubhav hai unohoney bhi bataya ki tumehre tickets ab confirm nahi hoge isleyee jaaney ka karyakarm cancel kar do. Mera dil nahi maana cancel karney ke liye. Idhar ghar mein jaaney ke liye sarri tayareeya ho chuki the. Mein bhi office se half day le kar ghar aa gaya. Mara bhai office se jaldi ghar aa gaya. Shyam ko 6.00 bhej humere ko nikalna tha tab bhi papa boley ki mat jaao tickets confirm nahi honge ab. Kareeb 5:45 shyam ko hum logo sai naam lekar nikal pardey. Riksha mein bethey barsaat start ho gai. Ghar se kareeb 1 km jaaney per mere dost Ashok ka ph aya ki tickets confirm ho gai hai. Meiney bhi turant apney office ph kiya aur apney dost Shiju ko bola ki net per check kar ke batoo ki tickets confirm ho gaye usney bhi turant dekha aur bataya ki confirm hai tickets. Phir to mere khushi ka koi thikana nahi tha. Humney auto kiya aur barsaat mein station pahocey aur shirdi ke liye rawana ho gai. Meiney ghar mein bata diya ki chinta mat karo ticket confirm ho gai hai. Yeah sab aap ko bata kar mujhe bhaut khushi ho rahi hai ki baba jisko bulatey hai osey koi rok nahi sakta lakin tumehra Biswash kamjor nahi pardna chaheye. Aur ess tarha hum log shirdi gai Shir Sai Naath ke Darshan kiye.
Om Sai Shri Sai Jai Jai Sai.
Dinesh Kumar
Topic: Sai Yatra (Read 1877 times)