song

[vasantkhisty]

Sai tere raj mein aisa kyun hota hai
tere sansar  mein nyay kyun sota hai
Kyun ek chotta bacha bhook se rota hai
Kyun darinda khoon se hath bhigota hai

Kyun hota nai nirbal pe atyachar
Kyun hota hai bacchon pe balatkar
Kyun nahi nasht karte papi ka ahankar
Kyun nahi tum khatam karte ye vyabhichar

Aisa kya hai bhed jo tum na jano
Aisa kya hai majboori jo tum na mano
Tum chaho to zook sakta hai ye asman
Tum chaho to toot sakta hai ye jahan
Fir kyun nahi sunte tum nirbal ki pukar
Aur kyun nahi tum rok sakte nirbal pe atyachar.

Is prashna ka uttar tumhe dena hoga
Ya fir tumhe apne is bhakt ko khona hoga
Tapasya karunga itni ki tumhe  ek baar aana hoga
Aur is raaj ka bhed batana hoga.


vasant khisty

[Ramesh Ramnani]

JAI SAI RAM!!!

Vasant Bhai aur Saishaji Ye Kiya?  Mere Baba Sai Kahte The Jaise Ho Jahan Ho Wanhi Raho.  Live life 'As Is Where Is Basis'.  Itni laachari kiyon?  Yeh Toh Sansaar Mein Adi Anadi Kaal Se Sab Ho Raha Hai.  Isme Naya Kiya Ho Raha Hai.  Sri Krishna aur Sab Mahan Santo, Rishion Par Attayachaar Hue.  Hummare BABA SAI par bhi hue.

Piyare Bhai Yeh Toh Sansaar Ki Reet Hai Yahan Jho Bhi Aaaya Hai Apne Apne Karm Bhogne Aaya Hai...Isme Pareshan Hone Ki Koyi Baat Nahi Bhai.

Ek baat aur Saishaji Ke Liye.  Bahen Sansaar Mein Tumhare Aas Paas Jho Kuch Bhi Tum Samjahti Ho Accha Nahi Ho Raha Hai Uski Tum 'Upeksha' Karo Aur Jho Tum Samjahti Ho Accha Hai Uski Tum 'Apeksha' Karo.  Aisa Karte Karte Tumhara BABA SAI Par Phir Se Vishwaas Jagrit Ho Jayega.  Hume Kuch Batein Prakariti Par Bhi Chorr Deni Chahiye.  Jin Baaton Par Humhara Buss Na Chale Usko Prakariti Par Hi Chorr Dene Mein Samajhdari Hai.


OM SAI RAM!!!

[saishri]

Aum Sai Ram
Vasant Ji
Aap Ne jo Song likha hain kaafi accha hain . bahoot accha bilkul mere mann main jo vichaar aatain hain same vaisa hi hain. per iska naswer bhi aaj tak mujhey nahi mila isiliye mujhey har insaan per shak hota hain ki kahi iski niyat kharab to nahi bhaley hi wah mera kitna bhi saga ku na ho? mujhey aajkal inhi karno sey apney bhagwaan per bhi vishwaas nahi hota aisa lagta hain jab ye hi karta dharta hain to yehi to nahi aisa karwa rahey ? main jaanti hoon mujhey aisa nahi sochna chaahiye. per main majboor hoon. mujhey apni ye life bhi pasand nahi . meri isi soch ke karan sai ji bhi shaayad mujhsey gussa hain. per main kya karoon is kalyug main main jee nahi paa rahi mujhey shaanti chaahiye. itni shaanti ki main is matlabi samaj ko na dekhoon. jismey aisey atyaachaar hotey hain our kya likhoon main kaafi pareshaan hoon. aapkey is geet sey mujhey aisa laga ki main apni problem aapsey share kar sakti hoon.
 Pehley main sai ji ki bahoot badi bhakt thi per achaanak mujhey nahi pata is samaj ke karan un per bhi vishwaas nahi hota. main kya karron main chaahtin hoon ki main jaisey pehley bhakt thi vaisey hi abhi bhi rahoon per nahi pata ho hi nahi paati . Main hur thursday mandir jaati hoon. wo to mere routin main aa gaya. per shradha bhakti bilkul nahi hain . aisa lagtaa hain bus mere andar dikhaava bacha hain our kuch nahi . main apney sai ji sey door hokar kaafi pareshaan hoon . har thursday sai ji sey yahi prathnaa karti hoon ki sai ji mujhey duniya ki koi khushi nahi chaahiye bus aapka aashirwaad chaahiye. pehley mujhey sai ji ke hur thursday sapney aataey they wo bhi sacchey sapney per aajkal nahi pata kya ho gaya mere main our baaki logo main jo bhakt nahi hain koi antar hi nahi raha Please sai bhakto mujhemey shradha bhakti attot ho iskey liye kuch bataaye. yadi sai ji mere saath kuch chamatkaar kartain bhi hain to aisa lagta hain iskey peechey bhi insaani swarth hain. merey swarth ke saath sai ji ka bhi swarth hain . wo humaari madat kartain hi ku hain? mere dimaag main sab aadey tedey vichaar ghoomtain rehtain hain. na mujhey apeny ghar ke kisi sadasya per vishwaas hain na bhai behno per na mere relation main jo hain un per. ab aap log hi bataayen main sacchi bhakt kaise banoo. mere main wahi shradha bhakti kaisey paida hogi? please help me.
Aum Sai Ram
Sai shri

saisha

[Ramesh Ramnani]

JAI SAI RAM!!!

Mere Sawalon Mein Tum Ho
Mere Jawabon Mein Tum Ho

Din Raat Mere Khayalon Mein Tum Ho
Andheron Mein Tum Ho, Ujalon Mein Tum Ho

Mere Bhakti Ke Sare Hawalon Mein Tum Ho
Raaz Bhi Tum Ho, Saaz Bhi Tum Ho

Tum VidhI Bhi Ho Aur Vidhan Bhi Ho
Lekin Kanhi Kanhi Humare Karmo Ke Samne Tum Bhi Mazboor Ho

Haan Yeh Tera Raaz Hi Hai....
Ki Hum Apne Raii Jaise Karmo Ko Pahar Banate Hai
Aur Tum Hummare Pahar Jaise Karmo Ko Rai Mein Badal Dete Ho

OM SAI RAM!!!