Jai Sai Ram !!!!!!!!!!!!!
22-05-2009,, 10:56 p.m
hume pata chala kii mere brother ka accident ho gaya hai;;
use ek auto wala hospital lekar gaya aur hum log bhi waha pahuche,,
doctor ne emergency me treatment start toh kar diya magar khoon kafi bah chuka tha is wajah se use hosh nahi aaya,, auto wale ne bataya kii mai waha se ja raha tha toh raaste me bheed lagi dekh kar ruk gaya ,, inka kaafi khoon bah chuka tha ,,log sirf inhe dekh rahe the,, magar mujhse raha nahi gaya aur mai inhe trauma center le aaya;;
Humne auto waale ko thanx kaha aur use ghar jaane ko kaha,,
23-05-2009 2:30 a.m
itne me doctor ne aakar kaha kii
aap log inhe ghar le jaiye bas ab yeh jyada se jyada 3-4 ghante ke liye hai,, ise hosh bhi nahi aaya hai,
,,
yeh sunkar hum log toh jaise ke rah kar bhi nahi rahe,, ek toh uski aisi halat uppar se doctor yeh kah kar chala gaya;;
Bas yaad tha hume toh sirf SAI apna ,, naam lete gaye baba ka,, chhod diya un par sab kuch ,, hume nahi pata tha kii kya hone wala hai magar vishwaas tha kii baba hamari madad ke liye jarur aayenge;;
Tabhi baba ne bhi hamare aansuo ki pukar suni aur na jane kya hua doctor wapis aa gaya,, humne puchha toh usne kaha kii pata nahi mujhe kya hua mai jate late ruk gaya aur socha kii ek baar phir dekh lu,, bas doctor andar hi aaya tha kii bhai ka hath halka sa hila yeh dekh kar doctor ki bhi umeed jag gayi aur usne treatment start kiya,,,
magar use hosh nahi aaya tha,,
uske pahle brain ke citiscan ko dekha toh woh pura black tha,,, chot face aur brain pe lagi thi
second citiscan me brain me 3 clots aaye,,
23 - 05 -2009 8:00 a.m
jise hatane ke liye brain me hole kiya aur waha se dawai daali ,,face aur jaws me facture ke karan woh saans nahi le pa raha tha so gale me hole karke pipe daala aur ventilator pe rakha,,,
ab doctors ne hume 72 hrs. ka tym de diya tha ,, aur kaha agar 72 hrs me hosh nahi aaya toh yeh koma me chala jayega,,,
humne uske maathe pe vibhuti lagayi aur baba ka daaman pakde rakha,, koi kuch bhi puchhta ya kahta toh hamare muh se bas sai naam hi niklata tha,,
har kisi ne apni apni tarah se prayer ki,, chahe woh dost ho, rishtedaar ho ya padosi ho ya jisne bhi suna usne bhi baba se dua ki
Aur nateejan 25-05-2009 12:00 p.m ko use hosh aa gaya,,
eyes me facture ke karan aankhein nahi khul rahi thi magar woh baat sunkar response de raha tha,, bol toh nahi pa raha tha magar ishara jarur kar raha tha;;;
Khair use hosh aaya toh hum sab ki jaan me jaan aayi aur hum sabne tahe dil se baba ka shukriya ada kiya,,,
use regular hum baba ki vibhuti lagate rahe,,, 2 din baad usne ek aankh kholi,, face ki swelling bhi kam hoti gayi dheere dheere fark pad raha tha,,,
doctors ne kaha kii jaisi iski halat thi uske hisab se yeh kaafi jaldi improve kar raha hai ,, yeh sab aapki duaao ka asar hai varna humne toh pahle din ummed chhod di thi,, ye sach me chamatkar hai
lagbhag 30-05-2009 tak wo kaafi improve ho gaya tha,, ab wo uth- baith toh nahi sakta tha magar khatre se bahar tha aur us waqt hamare liye yeh bhi bahut badi baat thi,,,
31-05-2009
ko doctors ne use discharge kar diya magar ab uski recent memory lost ho chuki thi,,, wo hume janta tha,, pahchanta tha magar is waqt wo kise kya kah raha hai, kise maar de khuch nahi kaha ja sakta tha,,, aisi haalat me use ghar laana bhi risky tha qk use taanke lage the aur gale me pipe tha jise wo baar baar khichnta tha,,, uske 2 saal ka beta hai jiski yaad bhi use kaafi dino ke baad aayi,,
doctors ne pipe 1 mahine baad hatana tha mgar baba ki kripa hui kii uski woh pipe abhi 4 din pahle nikal di,, ab use dusre hospital me shift kar diya hai,,,
Sai ki kripa se kaafi sudhaar hai magar uski jidd kabhi kabhi bahut ho jaati hai,,,
wo har waqt shirdi jaane ki jidd lagaye rakhta hai,,
ab toh baba se prayer hai kii use jaldi se thik kar do taaki hum sab log aapke dwaar shirdi aakar aapka shukriya ada kar sake......................
Pls. aap log bhi kaho na baba se kii apni kripa banaye rakhe aur mere big b ko jaldi se thik kar de,,,,
Thank you BAbaji
Om Sai Ram