OM SAI RAM, JAI SAI RAM

[Yogita Bose]

All sai Blessed Devotees,

I want to share my experience of Shirdi.

In 2002, hum pehli baar Shirdi gaye the aur wahan par jo kuchch hua woh aaj bhi bhula paana mushkil hai. Pehle to mere ghar se koi Shirdi nahi jaana chahta tha phir shirdi jaa kar koi aana nahi chahta tha. Pata nahi kaisa jaadu tha shirdi me aur mere baba me.

Humne Shirdi me baba ke darshano ke baad Sakori jaane ka plan kiya, tab humein Shirdi ke baare me zyada jaankari nahi thi lekin mere friend (jo aaj mere husband hain) ne bataya ki Sakori me zaroor jaana. Hum Sakori pahunche to wahan bahut baarish ho rahi thi, humnein andar jaaker darshan kiye aur jaise hi hum vapas auto tak jaane lage ki ek tree ke niche ek fakir ko dekh kar mere papa ekdum ruk gaye aur chilla ker bole ki dekho BABA khade hain, us fakir ne saffron colour ka chola pehna tha,sir per patka aur haath me ek bhiksha paatr tha, unhone phate purane shoes pehne the, baarish me bhi woh bilkul nahi bhige the jabki wahan musladhar baarish ho rahi thi, humne unke charan sparsh kiye aur meri mummy ne 5 Rupees ka coin unke paatr me daal diya. phir hum vapas Samadhi Mandir Laut aaye,lekin wahan jo dekha to hume vishvaas karna mushkil ho gaya kyonki Baba ne vahi dress pehni thi Saffron colour ka Chola.

Phir hum jab shirdi se vapas ghar aaye tab meri mummy apne aansuon ko rok nahi payi kyonki unhe jo mila woh bhi apne aap me kisi chamatkar se kam nahi tha, meri mummy ko unki medicine ke khali envelope me vahi 5 Rupees ka coin mila jisey unhone us fakir ko diya that Sakori me. Humne samajha ki mummy paise rakh kar bhul gayi hongi, lekin mummy ne bataya ki woh envelope mummy ne Shirdi me phaad kar phenk diya tha aur usme 5 rupees ka coin aise lipta hua tha jaise kisi ne pack kar ke gift diya ho aur woh coin silver ki tarah chamak raha tha. woh coin aaj bhi meri mummy ke paas hai.

Is ke baad me 2 baar Shirdi sirf is lalach me gayi ki shayad BABA ek baar phir se Darshan de de to mai unko kabhi nahi jaane doongi lekin mujhe dobara aisa soubhagye nahi mila.

Mujhe maalum hai hum jis ROOP me Baba Ko Dekhna Chahte Hain Humein wo Usi Roop Me Darshan Bhi Dete Hain.

MERE SAI SABKO KHUSH RAKHEIN

OM SAI RAM

YOGITA